2

folk

«Юлдаш» мәғлүмәт һәм йыр-моң каналы Башҡортостан радиоһы нигеҙендә 2000 йылдың 25 сентябрендә барлыҡҡа килә. «Юлдаш» каналын FM-йышлыҡтарҙа Башҡортостанда, күрше өлкәләрҙә һәм республикаларҙа тәүлек әйләнәһенә тыңларға мөмкин. Тапшырыуҙар башҡорт һәм татар телдәрендә.«Юлдаш» радиоһы – йыр-моң һөйөүселәр өсөн алыштырғыһыҙ ҙур сәхнә, шулай уҡ тотош республиканың ижтимағи-сәйәси, мәҙәни тормошо, иҡтисади һәм социаль мәсьәләләре менән ҡыҙыҡһыныусылар өсөн ышаныслы мәғлүмәт сығанағы. Радиотыңлаусылар беренселәрҙән булып ил һәм донъя хәбәрҙәре менән таныша, төрлө һорауҙар буйынса етди аңлатмалар ала, белгестәр фекерен тыңлай. Тапшырыуҙарҙа күтәрелгән мәсьәләләр тормоштоң һәр яғын яҡтырта.«Юлдаш» эфирҙан тыш та әүҙем эшмәкәрлек алып бара. Һәүәҫкәр башҡарыусылар араһында “Юлдаш йыры” республика асыҡ конкурсы, “Йыл йыры” фестивале уҙғарыла. Йыл һайын 1 сентябрҙә “Сәләм, студент!” концерт-дискотекаһы ойошторола. Балалар, өлкәндәр, сирлеләр, ярҙамға мохтаждар өсөн  акциялар үткәрелә.«Юлдаш» - киң мәғлүмәт сараһы ғына түгел, таныштырған, кәңәш биргән, ярҙам иткән, тимәк, үҙе тотош ижтимағи институт. Тәүлек әйләнәһенә эфирға сығыу мөмкинлеген ҡулланып, радио тормоштоң бөтә даирәләрендә лә әүҙем ҡатнаша һәм киләсәккә яңы маҡсаттар ҡуйып, ышаныслы үҫеш юлын дауам итә.
подробнее

Назад Вперед
Наверх
Яндекс.Метрика